Coratlı "zek"lər Sumqayıtda nələr etdilər...

Sumqayıt şəhərində oğurluq edən şəxslər yaxalanıb.

Teleqraf.com xəbər verir ki, şəhər ərazisindəki evlərdən birindən qızıl əşyalar oğurlanması barədə polisə məlumat daxil olub.

Sumqayıt şəhər Polis İdarəsi əməkdaşlarının əməliyyat-axtarış tədbirləri nəticəsində Corat qəsəbə sakinləri Tapdıq İbrahimov və Amil Əzimov tutulublar.

Onların ötən il daha 6 evdən pul, qızıl və məişət əşyaları, 3 mağazadan pul, ərzaq, tütün məmulatı, habelə 2 nəfərin cibdən pul oğurlamaları da müəyyən edilib.

Hər iki saxlanılan şəxsin əvvəllər məhkumluq həyatı yaşadığı bildirilir. Faktla bağlı cinayət işi başlanıb.

Hacı Zeynalov