Bakıda bir mağazadan iki dəfə oğurluğa - Cəhd

Bakının Sabunçu rayonunda bir marketdən iki dəfə oğurluğu cəhd edilib.

Teleqraf.com xəbər verir ki, rayonun Zabrat-1 qəsəbəsində yerləşən “Ayxan” marketdən oğurluq edilməsi ilə bağlı mühafizə polisi siqnal alıb.

Hadisə yerinə gələn Sabunçu Rayon Mühafizə İdarəsinin əməkdaşları oradan ümumi dəyəri 110 manata yaxın olan viski markalı spirtli içkiləri oğurlamağa cəhd göstərən Lökbatan qəsəbə sakini, 1971-ci il təvəllüdlü Rauf Qulamovu saxlayıblar.

O, 15-ci polis bölməsinə təhvil verilib. Rauf Qulamovun əvvəllər məhkumluq həyatı yaşadığı bildirilir.

Bundan başqa, həmin marketdən oğurluğu cəhd göstərən daha bir nəfər mühafizə polisi tərəfindən yaxalanıb. Bu, Gəncə şəhər sakini, 1993-cü il təvəllüdlü Məhəmməd Rəhimovdur.

Məhəmməd Rəhimovun əvvəllər Cinayət Məcəlləsinin 177.2.3-cü (oğurluq) maddəsi ilə məhkum olunduğu bildirilir.

Hər iki faktla bağlı cinayət işi başlanıb.

Hacı Zeynalov