5 İyul 2017 13:18
708
12 Punto 14 Punto 16 Punto 18 Punto

Dələduzluqda təqsirləndirilən Bakı şəhər sakini, 1989-cu il təvəllüdlü Əfqan Mahmudovun cinayət işi üzrə məhkəmə prosesi başa çatıb.

Teleqraf.com xəbər verir ki, bu gün Bakı Ağır Cinayətlər Məhkəməsində hakim Zeynal Ağayevin sədrliyi ilə baş tutan prosesdə təqsurləndilən şəxsə hökm oxunub. Əfqan Mahmudov 1 il azadlıqdan məhrum edilib.

İttihama görə, Nizami rayon Polis İdarəsi 25-ci polis bölməsi əməkdaşlarının əməliyyat-axtarış tədbirləri nəticəsində Əfqan Mahmudov tutulub. O, Bakı şəhər sakini Mikayıl Ağayevin etibarından sui-istifadə edərək onun 5000 manatını alıb.

Əfqan Mahmudov bildirib ki, payaxtda avtomobil alveri ilə məşgul olub: "Bir nəfərə maşın satmışdım, gətirib qaytardı. Sonra mən həmin maşınla qəza törətdim. Borcumu ödəyə bilmədim. O da 1 ildən sonra gəlib şikayət etdi".

İstintaqın gəldiyu nəticəyə görə, Əfqan Mahmudov 4 ay müddətində axtarışda olub. Naxçıvanda gizləndiyindən onun yerini bu müddət ərzində müəyyən etmək mümkün olmayıb.


Müəllif: Hacı Zeynalov