Kəlbəcər sakinindən həmyerlisinə amansız hərəkət

Bərdə rayonunun Qarabağ qəsəbəsi ərazisindən Feruz Rüstəmov bıçaqlanıb.

Teleqraf.com xəbər verir ki, o, kəsilmiş-deşilmiş xəsarətlə xəstəxanaya gətirilib. Vaxtında tibbi yardım göstərildiyi üçün onun həyatını xilas etmək mümkün olub.

Əməliyyat tədbirləri nəticəsində hadisən törətməkdə şübhəli bilinən Kəlbəcər rayon sakini Elşən Hüseynov tutulub.

Məlumata görə, hadisə onların arasında yaranan şəxsi münasibətlər zəminində baş verib.

Faktla bağlı cinayət işi başlanıb.