12 İyun 14:00
331

Gəncə şəhəri ərazisində ictimai nəqliyyatda cibgirliklə məşğul olan şəxslər yaxalanıb.

Teleqraf.com xəbər verir ki, Gəncənin Nizami rayon Polis İdarəsinə müraciət edən Gülüstan qəsəbə sakini olan bir nəfər iyunun 11-də qəsəbə ərazisində marşrut avtobusunda çantasından içərisində 303 ABŞ dolları və 10 manatı, habelə sənədləri olan pulqabısının oğurlandığını bildirib.

Əməliyyat-axtarış tədbirləri nəticəsində ictimai nəqliyyatda oğurlu​q etməkdə şübhəli bilinən 3 nəfər polis əməkdaşları tərəfindən müəyyən edilib.

Onların Gəncə şəhər sakinləri, əvvəllər narkotik, oğurluq, soyğunçuluq və quldurluq cinayətləri törətdiklərinə görə məhkum olunmuşlar - Namiq Cəlalov, Şahin İbrahimov və İlham Hüseynov olduqları müəyyən edilib.

​Saxlanılan şəxslər götürülmüş maddi sübutla birgə istintaqa təhvil veriliblər.


Müəllif: Hacı Zeynalov
Загрузка...