Həyat yoldaşı və oğlunu silahla hədələyən şəxs tutulub

Xaçmaz sakini oğlunu və həyat yoldaşını ölümlə hədələyib.

Teleqraf.com-un Daxili İşlər Nazirliyinin saytına istinadən verdiyi məlumata görə, avqustun 31-də Xaçmaz rayonunun Yaqub-oba kənd sakini Bihi Butayeva Rayon Polis Şöbəsinə ərizə ilə müraciət edərək həmin gün əri Cəbrayıl Butayevin ov tüfəngi ilə onu və oğlu Rövşəni öldürəcəyi ilə hədələdiyini bildirib.

Xaçmaz Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində sərxoş halda olan C. Butayev saxlanılıb və ondan müvafiq sənədləri olmayan ov tüfəngi götürülüb.