Bakıda İran vətəndaşına "ev alan" qadına ağır - Cəza

Bakıda dələduzluqda təqsirləndirilən Sevinc Mirzəyevanın cinayət işi üzrə məhkəmə prosesi başa çatıb.

Teleqraf.com xəbər verir ki, bu gün Bakı Ağır Cinayətlər Məhkəməsində hakim Azad Məcidovun sədrliyi ilə baş tutan prosesdə hökm oxunub.

Sevinc Mirzəyeva 7 il müddətinə azadlıqdan məhrum edilib.

İttihama görə, ötən il iyunun 7-də Nəsimi rayonunda polis bölməsinə müraciət edən İran vətəndaş Asfari Alirezani bildirib ki, 2017-ci ilin fevral ayından 2018-ci ilin mart ayınadək olan müddətdə Sevinc adlı şəxs paytaxt ərazisində ona almaq üçün ev tapacağı vədi verib, bu yolla aldadaraq ondan 83 min 257 min manat alıb.

Polis əməkdaşlarının keçirdikləri əməliyyat tədbirləri nəticəsində Bakı şəhər sakini Sevinc Mirzəyeva müəyyən edilib. Araşdırma zamanı məlum olub ki, həmin qadın bir neçə şəxsə qarşı da dələduzluq əməli törədib.

Cinayət işində ümumilikdə 14 zərərçəkmiş var.

O, həmin şəxslərə 232 min 757 manat məbləğində ziyan vurub.

İstintaq araşdırması zamanı məlum olub ki, Sevinc Mirzəyeva həmin şəxslərə özünü hüquq-mühafizə orqanları əməkdaşı oıduğunu deyib. Onlara qarşı dələduzluq edib.