Avtomobilini ağaca vuran sürücü öldü

Oğuz rayonunda ölümlə nəticələnən yol nəqliyyat hadisəsi baş verib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib .

Məlumata görə, hadisə rayonun Bayan kəndində qeydə alınıb. Rayon sakini Arzu Hüseynov idarə etdiyi “Changan” markalı avtomobili ağaca vurub. Nəticədə sürücü hadisə yerində ölüb.

Faktla bağlı cinayət işi başlanıb.

Hacı Zeynalov