25 Noyabr 2014 23:50
396

Kürdəmir rayonunda fərdi yaşayış evi yanıb. Teleqraf.com-un Fövqəladə Hallar Nazirliyinin (FHN) saytına istinadən məlumatına görə, hadisə Pirəkösə kəndində qeydə qeydə alınıb.

Kənd sakini Gündüz Gözəlova məxsus ümumi sahəsi 170 kvadratmetr olan 4 otaqlı evdə baş verən yanğının söndürülməsi üçün əraziyə iki yanğınsöndürən maşın və canlı qüvvə cəlb edilib. Hadisə zamanı evin iki otağı yanıb.

Yanğın söndürülüb və alovun genişlənməsinin qarşısı alınıb. İlkin məlumata görə, yanğına odun sobasının tüstü borusunun düzgün quraşdırılmaması səbəb olub. Hadisə zamanı xəsarət alan olmayıb.

Faktla bağlı araşdırma aparılır.


Müəllif:
Загрузка...