Bakıda cinayətkar özünü ifşa etdi

Bakının Xətai rayonunda silah-sursatla tutulan şəxsin oğurluq cinayətləri üzə çıxıb.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, Xətai rayon Polis İdarəsinin Cinayət Axtarış Şöbəsi, Post Patrul Xidməti Bölüyü, 35-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində, dekabrın 7-də saat 20:00 radələrində, N.Tusi küçəsində Yevlax rayon sakini, 1989-cu il təvəllüdlü Fəxri Şirinzadə özünü şübhəli apardığı üçün üzərinə baxış keçirilib.

Onun üzərindən qeydiyyat nömrəsi silinmiş “Naqan” tipli tapança və iki ədəd patron aşkar olunaraq götürülüb. Şübhəli şəxs ətrafında keçirilən ilkin araşdırmalar zamanı müəyyən edilib ki, F.Şirinzadə dekabrın 6-na keçən gecə N.Tusi küçəsində Bakı şəhər sakini Habil Həsənova məxsus məxsus mağazanı talayaraq ərzaq məhsulları oğurlayıb.

Hacı Zeynalov