Avtomobilini kanala aşıran sürücü öldü

Samux rayonunda ölümlə nəticələnən ağır yol nəqliyyat hadisəsi baş verib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, hadisə rayonun Qovlarsarı kəndində qeydə alınıb. Daşkəsən rayon sakini Səbuhi Həsənov idarə etdiyi “Nissan” markalı avtomobili Şəmkir-Samux kanalına aşırıb və nəticədə hadisə yerində ölüb.

Faktla bağlı araşdırma aparılır.

Hacı Zeynalov