Rusiyaya casusluq edənlərə hökm oxundu

Ukraynada Rusiya xeyrinə casusluq etməkdə təqsirləndirilən iki nəfərə hökm oxunub.

Teleqraf.com yerli KiV-lərə istinadən xəbər verir ki, hər iki təqsirləndirilən hərbi vəziyyət şəraitində Ukrayna Silahlı Qüvvələrinin (AFU) yerləşdiyi yer haqqında məlumatın icazəsiz yayılması maddəsi ilə mühakimə olunub.

Təqsirləndirilən şəxslər Ukrayna Silahlı Qüvvələrinin qərargahında casusluqla məşğul olub. Məhkəmə hər iki şəxsi 8 il azadlıqdan məhrum edib.

Qeyd edək ki, bundan əvvəl Odessada bəy və gəlin saxlanılmışdılar. Onlar da “FSB-yə casusluq etmək”də şübhəli bilinirdilər. Ukrayna hüquq-mühafizə orqanları bildiriblər ki, cütlük Rusiya xüsusi xidmət orqanlarına göndərmək üçün hərbi obyektlərin fonunda şəkil çəkdiriblər.