Bakıda velosiped sürən 55 yaşlı kişi faciəli şəkildə öldü

Bakının Sabunçu rayonunda Türkiyə vətəndaşı ağır yol nəqliyyat hadisəsi törədib.

Teleqraf.com xəbər verir ki, hadisə Sabunçu qəsəbəsi, Böyük Şor şosesi yaxınlığında baş verib.

Məlumata görə, Türkiyə vətəndaşı, 1950-ci il təvəllüdlü Ahmet Yağit idarə etdiyi “Nissan Navara” markalı avtomobillə velosiped sürən Bakı şəhər sakini, 1960-ci il təvəllüdlü Erkin Mixail Valentinoviçi vurub.

Erkin Valentinoviç 3 saylı şəhər xəstəxanasına çatdırılsa da, onun həyatını xilas etmək mümkün olmayıb.

Faktla bağlı cinayət işi başlanıb.

Hacı Zeynalov