Nardaranda gecə yarısı qadının evinə basqın edildi

Bakının Sabunçu rayonunda qadının evinə basqın edilib. Teleqraf.com xəbər verir ki, hadisə rayonun Nardaran qəsəbəsi, Bağlar massivi, 23 ünvanında baş verib.

Bakı şəhər sakini, 1962-ci il təvəllüdlü Xavər Osmanovanın evinə avqustun 24-də, gecə saat 01.05 radələrində 2 nəfər naməlum şəxs basqın edib. Basqın edən şəxslər ev sahibinə hədə-qorxu gələrək pul tələb ediblər. Onlar qadının 500 manatını alaraq hadisə yerindən qaçıblar.

Xavər Osmanova evinə basqın edilməsi ilə bağlı Sabunçu Rayon Polis İdarəsinin 14-cü polis bölməsinə müraciət edib. Evə basqın edən şəxslərin müəyyən edilərək məsuliyyətə cəlb edilməsi üçün əməliyyat tədbirləri görülür.

Faktla bağlı araşdırma aparılır.

Hacı Zeynalov