Abşeronda motosikletçini vuran sürücü hadisə yerindən qaçdı

Abşeron rayonunda ağır yol-nəqliyyat hadisəsi baş verib. Teleqraf.com xəbər verir ki, hadisə rayonunun Məhəmmədi kəndində qeydə alınıb.

Müəyyən edilməmiş avtomobillə kənd sakini Şahin Əliyevin idarə etdiyi “Muravey” markalı motosiklet vurulub. Şahin Əliyevin xəstəxanaya yerləşdirilib. Avtomobilin sürücüsü idarə etdiyi avtomobillə birlikdə hadisə yerindən qaçıb.

Faktla bağlı Abşeron Rayon Polis İdarəsi tərəfindən əməliyyat-axtarış tədbirləri aparılır.

Hacı Zeynalov