Yasamalda fransalı iş adamı qarət edildi

Bakının Yasamal rayonunda əcnəbi vətəndaş qarət olunub.

Teleqraf.com xəbər verir ki, hadisə rayonun İ.Əbilov küçəsi, 35 ünvanı qarşısında qeydə alınıb.

“Azərsu” Səhmdar Cəmiyyətinin nəzdində olan Sever kompaniyasının müdiri – Fransa vətəndaşı, 1963-cü il təvəllüdlü Karvonel Altinin velosepedi naməlum şəxs tərəfindən oğurlanıb.

O, baş verən oğurluq hadisəsi ilə bağlı Yasamal Rayon Polis İdarəsinin 27-ci polis bölməsinə ərizə ilə müraciət edib. Hazırda oğurluq hadisəsini törədən şəxsin müəyyən edilərək tutulması üçün tədbirlər görülür.

Faktla bağlı araşdırma aparılır.

Hacı Zeynalov