Saxta pulla yanacaq alan sürücü həbs edildi

İsmayıllı rayonunda yerləşən yanacaqdoldurma məntəqələrindən birində saxta pulla yanacaq alıblar.

Teleqraf.com xəbər verir ki, məntəqədə operator işləyən Asif Mirzəzadə İsmayıllı rayon polis şöbəsinə müraciət edib.

O, bildirib ki, martın 18-də “VAZ-21015” markalı avtomobilin naməlum sərnişininin saxta 50 manatlıq əskinas verərək 10 manatlıq yanacaq doldurmasını və ona 40 manat pul qaytarmasını bildirib.

Polis əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş rayon sakini, əvvəllər məhkum olunmuş Asim Süleymanov tutulub.

Ətrafında aparılmış əməliyyat tədbirləri ilə onun martın 19-da rayon sakini R.Nuriyevə məxsus “VAZ-21011” markalı avtomobili qaçırması da müəyyən edilib.

Hacı Zeynalov