Naibə Allahverdiyeva Kübra Dadaşova haqda: “Kimsəsiz və tənha idi”

Aktrisa Naibə Allahverdiyeva ötən gün dünyasını dəyişən əməkdar artist Kübra Daşaşovadan yazıb.

Teleqraf.com xəbər verir ki, o, mərhum həmkarının sənətdə parlaq aktrisa, həyatda isə tənha olduğunu qeyd edib: “Heç ağlıma gəlməzdi ki, belə tez küsüb gedəcəksən. Düşünürdüm ki, sadəcə bir az xəstəsən, sağalıb geri dönəcəksən.

Parlaq aktrisa idin, öz dəsti-xəttin, şirinliyin var idi. Amma talesizdin. Kimsəsiz, tək-tənha! Budur həyat. Allah günahlarını bağışlasın, məkanın cənnət olsun”.

Kübra Dadaşova 31 avqust 1957-ci ildə doğulub. 1985-ci ildə Azərbaycan Dövlət İncəsənət İnstitutunun mədəni-maarif fakültəsini bitirib. O, yaradıcılıq fəaliyyətinə hələ tələbə ikən – 1982-ci ildə Azərbaycan Dövlət Gənc Tamaşaçılar teatrında başlayıb. Aktrisa dramatik və komik səpkili rolları eyni bacarıqla yaradıb.

2006-cı ildə əməkdar artisti fəxri adı ilə təltif olunub. Uzun müddət idi şəkər xəstəliyindən əziyyət çəkirdi.

Nərmin