Bakı şəhər xalq teatrlarının festivalı

Bakı Şəhər Mədəniyyət və Turizm İdarəsinin təşkilatçılığı ilə oktyabrın 27-dən 31-dək Bakı şəhər xalq teatrlarının festivalı keçiriləcək.

İdarədən Teleqraf.com-a bildirilib ki, festivalda 17 mədəniyyət müəssisəsindən 19 kollektiv iştirak edəcək.
Qeyd edək ki, festival xalq yaradıcılığının inkişafı, mədəniyyət müəssisələrinin işinin daha səmərəli təşkili, özfəaliyyət teatr kollektivlərinə gənc nəslin cəlb edilməsi və həvəskar teatr kollektivlərinin fəaliyyətini dövrün tələblərinə uyğun qurmaq məqsədilə təşkil olunacaq.