10 İran zəvvarı həlak oldu – İraqda

İraqın Samirə şəhərində baş verən terror aktında ölən şəxslər arasında İran vətəndaşları da var.

Axar.az xəbər verir ki, bunu İranın Həcc və Ziyarət Təşkilatının rəsmi nümayəndəsi Məhəmməd Cavad Daneşvar deyib.

Onun sözlərinə görə, partlayış zamanı 10 iranlı zəvvar həlak olub.

Xatırladaq ki, bu gün İraqın Tikrit və Samirə şəhərlərində ard-arda iki partlayış baş verib.

Hadisə nəticəsində 39 nəfər həlak olub, 40 nəfər isə yaralanıb.