Ukraynada müharibə yenidən alovlandı - separatçılardan 80 "Qrad" zərbəsi

Ukraynanın şərqindəki Avdeyevka bölgəsində rus separatçıları hücuma keçib.

Teleqraf.com xarici mediaya istinadən xəbər verir ki, bununla bağlı Ukrayna ordusunun nümayəndəsi məlumat verib: "Bir saat əvvəl atəşkəs elan edildiyini bildirdilər və bizim müdafiə olunmağımızdan istifadə edib hücuma keçdilər. Düşmənin hücumu dəf edilib. Hazırda bölgədə şiddətli döyüşlər gedir. Çox sayda separatçı öldürülüb. Onların arasında "Konsul" ləqəbli terrorçu da var".

Ukrayna Silahlı Qüvvələrinin Baş Qərargahından verilən məlumata görə, rus separatçılar gecə boyu nəzarətində olan ərazilərdən Avdeyevka 80 ədəd "Qrad" raketi atıblar: "Bundan başqa, düşmən 152 millimetr kalibrli artilleriyadan 30 dəfə bölgəni atəşə tutub. Hücuma qarşılıq olaraq, Ukrayna ordusu minomyot və tanklardan atəş açıblar. Son sutka ərzində döyüşlər zamanı 8 ukraynalı əsgər həlak olub, 24 nəfər yaralanıb. Qarşı tərəfdən isə 15 döyüşçü öldürülüb, 24-ü yaralanıb".

Samir