Qətər və Türkiyədən gözdağı: Birgə dəniz təlimləri

Qətər və Türkiyə avqustun 6-7-də birgə hərbi dəniz təlimləri keçirəcək.

Teleqraf.com Türkiyə mediasına istinadla xəbər verir ki, məlumatı Qətər Müdafiə Nazirliyi açıqlayıb.

Açıqlamaya görə, ötən həftənin bazar ertəsi Qətərin Dəniz Qüvvələri komandanı Məhəmməd bin Nasir əl-Mühəmmədi paytaxt Dohanın cənub-şərqindəki Hamid limanına gələrək Türkiyə hərbi gəmisini ziyarət edib.

Qeyd edək ki, Türkiyə Dəniz Donanmasının 214 nəfərlik hərbi heyəti bir hərbi gəmi ilə ötən bazar ertəsi Hamid limanına yan alıb.