Ev dustaqlığında olan prezident aclıq elan etdi

Ev dustaqlığında olan Zimbabve prezidenti Robert Muqabe aclıq elan edib.

Teleqraf.com xəbər verir ki, bu barədə “Röyter” informasiya yayıb.

Prezident ailəsinin üzvlərindən birinin sözlərinə görə, Muqabe artıq şənbə günündən etibarən yemək qəbulundan imtina edib və "haqq-ədalət uğrunda ölməyə" hazır olduğunu bildirir.

Qeyd edәk ki, “Afrika Milli Birliyi – Yurtsevərlər Cəbhəsi”partiyasının mərkəzi komitəsinin qərarına əsasən, 93 yaşlı Muqabe postundan kənarlaşdırılıb.

Partiyada sədr vəzifəsinə vitse-prezident Emmerson Mnanqaqva gətirilib.