Obama: “Putin Rusiya üçün təhlükədir”

“Ekonomist” jurnalına müsahibə verən ABŞ prezidenti Barak Obama Vladimir Putinin Rusiya üçün təhlükəli olduğunu deyib.

Obama 2009-ci ildə Rusiya ilə münasibətlərdəki sıxlıq və müsbət inkişafın artıq hiss olunmadığını deyib.

Onun sözlərinə görə, Rusiya ikili oyun oynayır: ”Biz o zaman prezident Dmitri Medvedev ilə yaxşı əlaqələr qurmuşduq. Amma indi bu əlaqələrdən əsər-əlamət yoxdur. Putin ikili oyun oynayır. Həm Qərblə əlaqələri kəsmək, həm də şərqi itirmək istəmir”.

Qeyd edək ki, Obama Rusiyanın xarici siyasətini analiz edərkən son zamanlar yaşanan hadisələrin yaxşı nəticələnməyəcəyini deyib: “Düzdür, Putin qısa vaxt ərzində ABŞ-da məşhurlaşdı. Bu bizim xeyrimizə olan məsələ deyil. Amma buna baxmayaraq, Putin Rusiya üçün təhlükəlidir. Bu ölkə gərginlik altında saxlanılır. Son hadisələr onu göstərir ki, biz sanksiyalar tətbiq etməsək, Rusiya qlobal dünyada təhlükə mənbəyinə çevrilə bilər”.

Daha sonra ABŞ prezidenti yaranmış vəziyyətin nüvə silahı səviyyəsinə çatmağından narahatlığını ifadə edib: “Biz yaranmış bu vəziyyəti qiymətləndirməli və adekvat tədbirlər görməliyik. Çünki kim zəmanət verə bilər ki, yaranmış vəziyyət xarici siyasətdə gərginliyə və nüvə silahlarının işə salınmasına gətirib çıxarmayacaq?”

axar.az