Kanadada türkə Cəsarət medalı verildi - İlk dəfə

Kanadada ilk dəfə olaraq Türkiyə vətəndaşı Rıza Kaşıkçıoğluna Cəsarət medalı verilib.

Teleqraf.com xəbər verir ki, medal türkə ölkənin baş valisi Julie Payette tərəfindən təqdim olunub.

Kanadanın Alberta əyalətinin Edmonton şəhərində yaşayan restoran shibi Kaşıkçıoğlu bir müddət öncə restoranının yaxınlığında yerləşən binada baş vermiş yanğın zamanı xüsusi qəhrəmanlıq edib. O, yanan binaya daxil olaraq insanları çiyinləri üzərində xilas edib.

Onun bu qəhrəmanlığı Kanada hökuməti tərəfindən yüksək qiymətləndirilib.

"Köməksiz insana əl tutmaq türkün xarakterindədir. Bu, həm də dinizimin əmridir. Cəsarət medalını millətim adına aldım", deyə Kaşıkçıoğlu bildirib.