Avtobus dərəyə yuvarlandı: Azı 45 nəfər həlak oldu

Hindistanın Uttarakxand ştatında avtobusun dərəyə aşması nəticəsində ən azı 45 nəfər həlak olub.

Teleqraf.com xəbər verir ki, bu barədə “İndia TV” telekanalı məlumat yayıb.

Telekanalın məlumatına görə, insident bu gün səhər baş verib. 200 metr hündürlükdən dərəyə yuvarlanan avtobus 2 yerə bölünüb.

Hadisə yerinə xilasedicilər cəlb olunub, 8 nəfər ağır xəsarətlərlə xəstəxanaya aparılıb. Qəzanın səbəbləri açıqlanmır.