19 Oktyabr 2018 14:46
1 587
12 Punto 14 Punto 16 Punto 18 Punto

Səudiyyə Ərəbistanının Türkiyədəki (İstanbul) baş konsulluğunda öldürülən jurnalist Camal Qaşıqçı ilə bağlı yeni fakt üzə çıxıb.

Teleqraf.com xəbər verir ki, ABŞ-da nəşr olunan “Nyu-York Tayms” qəzeti konsulluqda şaqqalanaraq qətlə yetirilən jurnalistin anlaşılmazlığın qurbanına çevrildiyini iddia edib.

Qəzet yazır:

“Səudiyyə Ərəbistanı səlahiyyətliləri jurnalist Camal Qaşıqçının öldürülməsinə görə, kəşfiyyatçı Əhməd Əsirini ittiham edib. Məlumata görə, Səudiyyə taxtının vəliəhdi, şahzadə Məhəmməd bin Salman kəşfiyyatçıya Camal Qaşıqçını ələ keçirmək və Ər-Riyada gətirmək göstərişini verib.

Lakin general şahzadənin təlimatını səhv başa düşüb. Bu səhvə görə də jurnalisti şaqqalayaraq qətlə yetiriblər”.

Qəzetə görə, bu versiya ABŞ-a şahzadəni xilas etməyə imkan yaradacaq.


Müəllif: Mənsur Rəğbətoğlu