Obama İŞİD-ə qarşı hərbi əməliyyatlara hələ qərar verməyib

ABŞ prezidenti hələlik Suriyadakı “İslam Dövləti” (İŞİD) qüvvələrinə qarşı hərbi əməliyyatlara başlamaq haqqında qərar verməyib.

Bunu Ağ ev sözçüsü Coş Ernest jurnalistlərin ABŞ-ın İraqdan sonra Suriyada da İŞİD-ə qarşı hərbi əməliyyatlara başlayıb-başlamayacağına dair sualını cavablandırarkən deyib.

İŞİD-dən ciddi təhlükə gəldiyini deyən C. Ernest Barak Obamanın məsələni diqqətdə saxladığını bildirib. O, hərbi gücün yeganə vasitə olmadığını və mübarizə üçün başqa üsullardan istifadə edilə biləcəyini vurğulayıb.

/APA/