İlin ən böyük kokain partiyası tutuldu

Peru polisi ümumi çəkisi 3,5 ton olan, bu ilin ən böyük kokain partiyasını ələ keçirib.

Kokain Belçika və İspaniyaya yola düşən kömür yüklü gəmidə gizlədilmişdi. Hazırda gəmi ölkənin şimalında olan Truxilyo şəhərinin limanındadır.

Xüsusi əməliyyat zamanı polis 2 Peru vətəndaşını və 5 meksikalını həbs edib. Polislər ehtimal edirlər ki, kokainin daşınmasına meksikalı narkokartellərdən biri rəhbərlik edib.

Qeyd edək ki, 2012-ci ildən Peru kokain istehsalı həcminə görə Kolumbiyanı ötərək dünyada birinci yerdə olub.

/anspress/