Belçikada islamofobiya əleyhinə aksiya

Belçika müsəlmanlarının İcraiyyə Şurası və Belçika Müsəlman Təşkilatlarını Əlaqələndirmə Şurası cümə günü Yeni Zelandiyanın Kraystçörç şəhərindəki məscidə hücumu qətiyyətlə pisləyən bəyanatlar qəbul ediblər.

Teleqraf.com xəbər verir ki, hər iki təşkilat hakimiyyət orqanları tərəfindən Avropada islamofobiyanın cilovlanması üçün yetərli tədbirlər görülmədiyini və bunun nəticəsində müsəlmanlara nifrətin illər boyu artmasını pisləyib.

Bu təşkilatların fikrincə, avropalı qanunvericilər antisemitizm və irqçilik barəsində olduğu kimi, islamofobiyanın da cinayətə bərabər tutulması üçün addımlar atmalıdırlar.