Suriya XİN-dən Trampın qərarına - Sərt reaksiya

Suriya XİN ABŞ-ın İsrailin Qolan təpələri üzərində suverenliyini tanınmasını Suriya Ərəb Respublikasının suverenliyinin kobud pozulması kimi qiymətləndirib.

“ABŞ-ın işğal edilmiş Qolan təpələri ilə, bundan əvvəl isə Qüdsün İsrailin paytaxtı kimi tanıması ilə bağlı qərarı göstərir ki, heç kim amerikalıların “bəlasından” sığortalanmayıb”, - RİA Novosti-nin dərc etdiyi XİN-nin bəyanatında deyilir.

Bəyanatda həmçinin qeyd olunur ki, Trampın yad ərazilərin güclə zəbt edilməsi və işğalın hüquqi rəsmiləşdirilməsinə dair heç bir hüququ yoxdur.

Suriya XİN hesab edir ki, dünya birliyi Trampın məsuliyyətsiz siyasətindən imtina etməlidir.