Qızı prezidentin vəzifə təklifini rədd etdi

İvanka Tramp ABŞ Prezidenti Donald Trampın Dünya Bankının sədri postuna namizəd olmaq təklifini rədd edib.

Teleqraf.com xəbər verir ki, bu barədə Donald Trampın qızı İvanka Trampın özü bildirib.

Qeyd edək ki, ötən həftə Prezident Tramp qızı İvanka Trampa Dünya Bankının postu vəzifəsini təklif etdiyini bildirmişdi.

İvanka Tramp isə Ağ Evdə daşıdığı müşavirlik vəzifəsindən məmnun olduğunu bəyan edib.

Bundan sonra ABŞ prezidenti Dünya Bankının sədri postuna iqtisadçı David Malpassın namizədliyini irəli sürüb.