“Onu çox sevirəm” – Trampdan Ərdoğan açıqlaması

“Türkiyə Prezidenti Rəcəb Tayyib Ərdoğanla yaxşı münasibətlərimiz var”.

Teleqraf.com xəbər verir ki, bunu ABŞ Prezidenti Donald Tramp deyib.

Ağ Ev rəhbəri Ərdoğanın noyabrın 13-də ABŞ-a səfər edəcəyi ilə bağlı suala belə cavab verib:

“Prezident Ərdoğanla yaxşı münasibətlərimiz var. Tərəflər arasında əldə edilmiş anlaşma normal qaydada yerinə yetirildi”.

Tramp Suriyadakı ABŞ hərbçilərinin evə qayıtmaq istədiyini də diqqətə çatdırıb:

“Hərbçilərimiz evə qayıtmaq istəyirlər. Türkiyə-Suriya sərhədlərinə başqaları nəzarət etsin. Biz nefti təhlükəsizlik çətiri altına aldıq, nefti sevirəm. Kürdlərlə işləyirik, bir çox ölkə ilə də işləyirik”.