İran ABŞ-la danışıqları dayandırdı – Generaldan kritik açıqlama

“Amerikalılara güvənmirik, Vaşinqton və Tehran arasında heç bir müzakirə olmayacaq”.

Teleqraf.com xəbər verir ki, bunu İranın dini lideri Əli Xameneyinin müşaviri, keçmiş müdafiə naziri Hüseyn Dehqan deyib.

İranlı general ABŞ-ı bölgədə dağıdıcı fəaliyyət göstərməkdə ittiham edib:

“ABŞ İraqın neft sahələrini ələ keçirmək üçün müxtəlif üsullardan istifadə edir. ABŞ-İran münasibətlərinə gəlincə, amerikalılara güvənmirik, Vaşinqton və Tehran arasında müzakirə olmayacaq”.