İslamı qəbul etmiş NATO diplomatı vəfat etdi

Müsəlman dinini qəbul etmiş sabiq diplomat vəfat edib.

Teleqraf.com xəbər verir ki, Almaniyada müsəlman toplumunun önəmli şəxslərindən hesab edilən Murad Vilfreid Hofman uzun müddət müalicə aldıqdan sonra vəfat edib.

Katolik ailədə dünyaya göz açan Hofman Münix Univrsitetinin hüquq fakultəsini bitirib. Daha sonra ABŞ-da Harvard Universittində təhsilini davam etdirib. 1961-ci ildə Almaniya Xarici İşlər Nazirliyində işə başlayan Hofman 33 il diplomatic xidmətdə olub, Almaniyanın NATO-dakı səfiri kimi çalışıb.

1989-cı ildə o, islam dinini qəbul edib. Bundan sonra Murad adını götürən Hofman müsəlman kimliyi ilə Almaniyanın müsəlman dünyasına yazdığı kitablarla dəstək verib.