Krım məsələsi: “ABŞ-a yox, bizə ümid edin...” – Rusiyadan şok çağırış

“Ukrayna ABŞ-ın Krımı geri qaytaracağı iddiasına inanmamalıdır”.

Teleqraf.com xəbər verir ki, bunu Rusiya Dövlət Dumasının deputatı Sergey Tsekov deyib.

Tsekovun fikrincə, ABŞ Ukraynanı aldadır, buna görə də ukraynalılar amerikalılara inanmamalıdır:

“Ukraynanın Krımı geri qaytaracağı vədi verən ABŞ-a inanması sadəlövhlükdür. Amerikalılar Ukrayna cəmiyyətini aldadır. Onu aldadan Amerikadan kömək gözləmək yerinə daha real qüvvələrə (Rusiya) ümid etmək olar və Krımın tarixi seçimini tanımaq lazımdır”.

Yanvarın 30-da Kiyevə səfər edən ABŞ Dövlət katibi Mayk Pompeo Prezident Vladimir Zelenski ilə görüşdə Krım münaqişəsinin tənzimlənməsində Ukraynaya daha fəal kömək edəcəyini demişdi.