9 Aprel 10:26
885

Təlimlər zamanı rus hərbi həkimləri separatçı “Abxaziya Respublikası”nın ərazisində müasir səhra hospitalı yerləşdiriblər.

Teleqraf.com xəbər verir ki, bu barədə Cənub Hərbi Dairəsinin mətbuat xidmətindən məlumat verilib.

“200-dən çox xəstəni qəbul etmək üçün hazırlanan sahə hərbi hospitalı Abxaziya Respublikası ərazisindəki Cənub Hərbi Dairəsinin Rusiya hərbi bazasında həkimlər üçün planlı profilaktik tədbirlər və təlimlər çərçivəsində açılıb”, – deyə TASS məlumat yayıb.

Tibb ocağının mexaniki ventilyasiya cihazları da daxil olmaqla müasir tibbi avadanlıqlarla təchiz olunduğu qeyd olunur.

Bundan əvvəl Abxaziyada KOVID-19 koronavirus infeksiyasına ilk yoluxma hadisəsinin təsdiqləndiyi bildirilmişdi.


Müəllif: Səxavət