Ermənistanda polis-deputat qarşıdurması - Xəsarət alanlar var

Ermənistan Milli Təhlükəsizlik Xidmətinin müxalif "Çiçəklənən Ermənistan" partiyasının sədri Qaqik Tsarukyanı istintaqa cəlb etməsi ölkədə ciddi narazılıq yaradıb.

Teleqraf.com xəbər verir ki, hakimiyyətin bu addımına etiraz edən kütlə MTX-nin binası qarşısında aksiya keçirib. Aksiyada Ermənistan parlamentinin deputatları da iştirak ediblər.

Polis aksiya iştirakçılarına, o cümlədən, deputatlara güc tətbiq edib. Hadisə nəticəsində deputatlardan Karine Poqosyan və Arman Abovyan xəsarət alıb. Digər deputat Caanibek Ayrapetyan isə naməlum istiqamətdə aparılıb.

Qeyd edək ki, Qaqik Tsarukyana qarşı 3 maddə üzrə cinayət işi açılıb.

Q.Tsarukyan daha öncə baş nazir Nikol Paşinyanın istefasını tələb edib.