Bu ölkədə koronavirusa yoluxanların sayı 80 mini ötdü

Moldovada koronavirusa yoluxanların sayı 80 mini keçib.

Teleqraf.com xəbər verir ki, son sutkada ölkədə daha 935 nəfər koronavirusa yoluxub. Bununla da ölkədə virusa yoluxanların sayı 80 min 501 nəfərə çatıb.

Son sutka ərzində Moldovada koronavirusdan 16 nəfər həyatını itirib, ölənlərin sayı ümumilikdə 1882 nəfər olub. Pandemiya dövründə 60 min 220 nəfər koronavirusdan müalicə olunaraq evə buraxılıb.