İraqda partlayışlar: 22 ölü, 60 yaralı

İraqın müxtəlif yerlərində baş verən partlayışlar nəticəsində 22 nəfər ölüb, 60 nəfər yaralanıb.

Teleqraf.com Anadolu agentliyinə istinadən xəbər verir ki, ilk hadisə Bağdadın qərbindəki bazarda yerləşdirilən bombanın partlaması nəticəsində baş verib. Nəticədə 3 nəfər ölüb, 9-u isə yaralanıb.

Paytaxtın şimalındakı Et-Taramiyə bölgəsində orduya məxsus maşına edilən hücumda 3 nəfər həlak olub. Hadisədə 7 nəfərin də yaralandığı bildirilir.

Həmçinin Bağdadın mərkəzində Əs-Sinek bölgəsində baş verən partlayışda isə 10 dinc sakin həyatını itirib, 25 nəfər yaralanıb. İraqın Kərbəla şəhərində məktəbə edilən hücumda 3 məktəbli öldürülüb, 9 nəfər yaralanıb. Şəhərin Baba Taviric və Meysəm Ət-Temar bölgələrində bomba quraşdırılmış maşınların partlayışı nəticəsində 3 nəfərin öldüyü, 10 nəfərin isə yaralandığı qeyd edilir.

Samir