Türkiyədə Yeni il əməliyyatı: 267 nəfər saxlanıldı

Türkiyə Daxili İşlər Nazirliyi dini istismar edən terror təşkilatlarının Yeni ildə hərəkət etməsi ehtimalına qarşı 20-31 dekabr tarixlərində 33 əyalətdə əməliyyat keçirib.

Teleqraf.com xəbər verir ki, əməliyyat nəticəsndə 106 Türkiyə və 161 xarici ölkə vətəndaşı olmaqla ümumilikdə 267 nəfər nəzarətə alınıb.

Əməliyyat zamanı 3 ədəd tüfəng, 3 ədəd tapança və 776 ədəd fişəng götürülüb. Eyni zamanda 2 kiloqram partlayıcı maddə, çoxlu sayda rəqəmsal və şəbəkə sənədləri ələ keçirilib.