22 Yanvar 15:09
921

ABŞ Rusiyaya Strateji Silahların Azaldılması Müqaviləsinin (START, START-3) beş il uzadılmasını təklif etməyə hazırdır.

Teleqraf.com xəbər verir ki, bunu Ağ Evin sözçüsü Jen Psaki deyib.

“ABŞ-ın müqaviləni beş il uzatmağa çalışmaq niyyətində olduğunu təsdiqləyə bilərəm. Bu ehtimal razılaşma ilə təmin edilir”, - Psaki qeyd edib.

Pentaqon ABŞ-ın yeni rəhbərliyinin bu təşəbbüsünü müsbət qiymətləndirib.

Bundan əvvəl “Vaşinqton Post” ABŞ Prezidenti Co Baydenin START-3-ü müəyyən bir müddətə uzatmaq istəyi barədə yazmışdı.

START müqaviləsinin müddəti bu il bitəcək. Sənəd Rusiya və ABŞ tərəfindən 2010-cu ildə imzalanıb. ABŞ-ın keçmiş Prezidenti Donald Tramp Rusiya üçün bir neçə şərt irəli sürərək, bunlar yerinə yetirilməyəcəyi halda müddətin uzadılmayacağını demişdi.


Müəllif: Mənsur Rəğbətoğlu