Ukraynada bir neçə telekanal bağlandı - Zelenski qərarı təsdiqlədi

Ukrayna Rusiya tərəfindən maliyyələşdirildiyi səbəbi ilə ölkədəki 9 televiziya kanalının fəaliyyətini dayandırmağa qərar verib.

Teleqraf.com xəbər verir ki, müvafiq qərardan sonra Taras Kozaka məxsus 9 televiziya kanalı 5 il fəaliyyətlərini davam etdirə bilməyəcək.

Ukrayna Prezidenti Vladimir Zelenski Tvitterdəki paylaşımında ölkəsinin mətbuat azadlığını dəstəklədiyini, lakin Ukraynaya təcavüz edən ölkənin maliyyələşdirdiyi təbliğatı dəstəkləmədiyini bildirib.
Zelenskinin sözçüsü Yuliya Mendel kanalların Rusiya tərəfindən maliyyələşdirildiyinin təsdiqləndiyini və kanalların Ukraynaya qarşı müharibədə bir vasitə olaraq istifadə olunduğunu söyləyib.