Malidə terrorçular 33 hərbçini qətlə yetirdi

Malinin şimalında hərbi hissələrdən birinə silahlı hücum nəticəsində onlarla hərbi qulluqçu həlak olub, daha bir neçə nəfər yaralanıb.

Teleqraf.com xəbər verir ki, ölkənin Müdafiə Nazirliyi Tessit yaşayış məntəqəsində hərbi hissənin silahlı terrorçuların hücumuna məruz qaldığını bildirib.

Hücum nəticəsində 33 hərbi qulluqçu öldürülüb, daha 14 nəfər xəsarət alıb. Yaralılardan 8-nin vəziyyəti ağırdır.

Hücumun hansı qruplaşma tərəfindən təşkil olunduğu açıqlanmır.