Türkiyədə terror cəhdi: 3 terrorçu zərərsizləşdirildi

Türkiyənin cənub-şərqində terror aktı planlaşdıran 3 PKK terrorçusu zərərsizləşdirilib.

Teleqraf.com-un məlumatına görə, bu barədə Türkiyənin Milli Müdafiə Nazirliyinin açıqlamasında deyilir.

Açıqlamada bildirilir ki, terrorçular kəşfiyyat məlumatları və müşahidələr nəticəsində Hakkari vilayətinin Şəmdinli bölgəsində aşkar ediliblər:

"İran hakimiyyəti ilə razılaşdırıldıqdan sonra silahlılar atəş dəstəyi ilə zərərsizləşdirilib. Türkiyə qətiyyətlə terrorizə qarşı mübarizəsini davam etdirəcək".