Suriyada amnistiya: 11 min məhbus azadlığa çıxdı

Suriya prezidenti Bəşər Əsədin bu ilin iyununda imzaladığı kütləvi amnistiya aktı 11 min məhbusu əhatə edib.

“On bir min nəfər amnistiya olunaraq həbsxanalardan azad olunub”, deyə Suriyanın milli barışıq məsələləri üzrə dövlət naziri Əli Heydər bildirib.

Teleqraf.com xarici KİV-ə istinadən xəbər verir ki, prezident Bəşər Əsəd tərəfindən imzalanan akt Suriyada böhran başlanandan ən irimiqyaslı kütləvi amnistiyadır. Məlumata görə, siyahılara hətta terrorçuluqda ittiham olunan şəxslər də daxil edilib.