Gürcüstanda partlayış: Ölən və yaralananlar var

Gürcüstanın qərbindəki Tkibuli kömür mədənində partlayış baş verib.

Teleqraf.com xəbər verir ki, olayda bir nəfər həlak olub, 8 nəfər müxtəlif dərəcəli bədən xəsarətləri alıb.

Gürcüstan dövlət televiziyasının məlumatına görə, xəsarət alan şaxtaçılar dərhal Tiflisə aparılıb, onlara tibbi yardım göstərilir.

Zərərçəkənlərdən birinin vəziyyəti ağırdır, reanimasiyaya yerləşdirilib.

Mədəni işlədən “Qruzuqol” şirkəti hadisə yerində araşdırma aparır.