Kiyevə böyük hücum - “Hazırlaşırlar, qoşunlar orada yerləşdirilib”

Çerniqov vilayətindəki rus qoşunları paytaxt Kiyev istiqamətində cəmləşib.

Teleqraf.com xəbər verir ki, bu barədə Çerniqov regional administrasiyasının rəhbəri Vyaçeslav Çaus məlumat yayıb .

“Şimal istiqamətində Mərkəzi Hərbi Dairənin 14-ə qədər batalyonu, eləcə də Şimal Donanmasının 14-cü Ordu Dairəsinin birlikləri Oster, Zazimya, Berezan, Brovar, Vışenki və Kiyevə yönələrək hücuma hazırlaşır”, - Çaus deyib.

Çaus onu da qeyd edib ki, rus ordusu bütün istiqamətlərdə itki verir, demotivasiya olunmuş hərbçilər təslim olur və texnikalarını atırlar.