Rus-Ukrayna müharibəsi haqda 4 ssenari - Xruşşovun nəvəsi açıqladı

SSRİ lideri Nikita Xruşşovun nəvəsi, Nyu-Yorkdakı “New School” Universitetinin beynəlxalq münasibətlər fakültəsinin dekanı, Dünya Siyasəti İnstitutunun baş elmi işçis Nina Xurişova Rusiya-Ukrayna müharibəsinin nəticələrinə dair dörd ssenari irəli sürüb. Onun qənaətincə, bu müharibənin başlanğıcı nə olursa-olsun, yəqin ki, dörd variantdan birində bitəcək.

Teleqraf.com Nikita Xuruşşovanın irəli sürdüyü ssenariləri təqdim edir.

Birinci ssenaridə Rusiya Ukraynanın bir hissəsinə və ya hamısına nəzarəti ələ keçirə bilər, ancaq qısa müddətə. Rusiya ordusunun Ukrayna şəhərlərinə nəzarəti ələ keçirməyə və ələ keçirə bildiyi yeganə böyük şəhərə nəzarəti saxlamağa çalışarkən üzləşdiyi çətinliklər onun uzunmüddətli işğala tab gətirməyəcəyini deməyə əsas verir. Yadıma Sovet İttifaqının dağılmasını sürətləndirən Əfqanıstandakı fəlakətli sovet müharibəsi gəlir.

İkinci ssenaridə Ukrayna Kremlin təbliğat maşınına “azad edilmiş” ukraynalılar haqqında danışmağa imkan verən Krımı, Donetsk və Luqanskı Rusiya əraziləri kimi tanımağa razıdır. Bununla belə, Putin rejimi qələbəsini elan etsə belə, Rusiya qlobal olaraq kənarda qalacaq - iqtisadiyyata tətbiq edilən sanksiyaların əbədi izləri əsasında.

Üçüncü ssenaridə səbirsiz Putin Ukraynada taktiki nüvə silahından istifadə edir. Bu yaxınlarda ölkənin keçmiş prezidenti, hazırda Rusiya Təhlükəsizlik Şurasının sədr müavini olan Dmitri Medvedyev xəbərdarlıq etmişdi ki, Rusiya yalnız adi silahlardan istifadə edən düşmənə zərbə endirməyə hazırdır. Kremlin təbliğatı, şübhəsiz ki, bütün bunları bir qələbə kimi təqdim edəcək və yəqin ki, 1945-ci ildə Amerikanın Xirosima və Naqasakini bombalamasını müharibəni tez bitirmək üçün nüvə silahından istifadə presedenti və Qərbin istənilən tənqidinin tam olduğuna sübut kimi istinad edəcək.

Sonuncu ssenaridə ABŞ prezidenti Co Baydenin arzusu gerçəkləşir: Putin hakimiyyətdən uzaqlaşdırılır. Amma Rusiyada hərbi çevriliş ənənəsi yoxdur, ona görə də bu, çox az ehtimaldır. Lakin belə bir çevriliş baş versə belə, Putinin keçmiş KQB həmkarları və onun iyirmi il ərzində yetişdirdiyi digər “təhlükəsizlik qüvvələri” tərəfindən dəstəklənən Putin sistemi yerində qalacaqdı. Qərb avantürizmi zəifləyə bilər və ruslar təcrid olunmuş və əzilmiş vəziyyətdə qalacaqlar. Bəli, FSB bəlkə də qarşıdan gələn müharibəyə inanmırdı, amma indi Putinin “xüsusi hərbi əməliyyatı”ndan sanksiya tətbiq etmək və cəmiyyət üzərində tam nəzarəti bərqərar etmək şansı kimi istifadə edib.