Kremlə cavab verdi – “Putinlə yalnız bir məsələni müzakirə edə bilərəm”

“Hazırda Putinlə görüşmək üçün heç bir səbəb görmürəm”.

Teleqraf.com xəbər verir ki, bunu ABŞ Prezidenti Co Bayden deyib.

Bayden CNN-ə müsahibəsində gələn ay G20 sammitində rusiyalı həmkarı Vladimir Putinlə görüşüb-görüşməyəcəyi sualına belə cavab verib:

“Hazırda Putinlə görüşmək üçün heç bir səbəb görmürəm”.

Bayden onu da bildirib ki, əgər Putinlə bir məsələni müzakirə etsə, bu, Rusiyada həbsdə olan amerikalı basketbolçu Brittni Qrinerin azadlığa buraxılması mövzusu olacaq.

“Ukrayna olmadan Rusiya ilə Ukrayna məsələsini müzakirə etmərəm”, - ABŞ prezidenti bildirib.

Bundan əvvəl Rusiya xarici işlər naziri Sergey Lavrov ABŞ-dan təklif olacağı halda, Bayden-Putin görüşünü nəzərdən keçirə biləcəklərini demişdi.